PATUGINJANG MA TOHANGMU

Karya NN

Dua bagian do siparhata disi :

Sebagian ma i marpahean na bontar jala na sebagian nari marpahena na birong. Parpahean na na bontar i ma patuduhon pangalaho ni angka namanolopi hatutubu ni Sipalua I jala parpahean na birong i ma na manggombarhon pangalaho ni hajolmaon na manghasogohon haroro ni Kristus I, ima angka na so porsea.

Isi ni sandiwara on, ima paraloan ni na dua ragam parrohaon ni jolma taringot tu Sipalua I, alai diujungna monang do hatiuron i, ai gabe sude nasida muse marsomba tu Sipalua i.

Angka pemain : 

·       Maria

·       Josep

·       Raja Herodes

·       6 halak parhata na marpahean na bontar

·       6 halak parhata na marpahean na birong

·       3 halak parmahan

·       3 halak parhapistaran sian Purba

Rencana :

Marende No. 47 : 1 – 2 (jongjong ma angka parhata na dua bagian I tu jolo).

Parpahean na bontar i ma sebelah hambirang jala parpahean na birong i na sebelah siamun ni langgatan.

P. na Bontar    :    Patuginjang ma tohangmuna hamu ale angka harbangan jala patuginjang ma hamu ale angka pintu sian na robi asa bongot Raja ni Hamuliaon i.

P. na Birong   :    Ise ulaning Raja ni Hamuliaon i ?

P. na Bontar    :    I ma Jahowa na gogo jala Ulubalang, jahowa Ulubalang di hamusuon. Patuginjang ma tohangmu hamu ale angka harbangan jala patuginjang ma hamu ale angka pintu sian na robi asa bongot Raja ni Hamuliaon i.

P. na Birong   :    Ise ulaning ibana Raja ni Hamuliaon i /

P. na Bontar    ;    Ima Jahowa Zebaot, Ibana do Raja ni Hamuliaon i.

Marende No. 38 : 1 – 2

P. na Bontar 1 :    Olo  paruak hamu ma harbangan i, ungkap hamu ma rohamuna be. Nunga diboto hamu naung ro Sipalua I ?. Na ro do Ibana nang nuaeng laho mambahen marolopolop rohamuna jala asa dapotan haluaon hamu sian Ibana. Ibana do na pasohothon hamusuon, hosom nang parsalisian.

P. na Birong 1 ;    Ndang tutu i, bereng ma torop ni angka dakdanak na sai marbadai.

     - = -         2 :    Torop ni angka na magodang na sai masisusaan, masilatean dohot na masihosoman.

     - = -         3 :    Na sai torop bangso na marmusu tu bangso na asing.

     - = -         4 :    Ba sai disangkapi rohangku do asa adong di ahu songon na adong di dogangku.

     - = -         5 :    Naeng ahu do na gumogo, jala na marhuaso ditongatonga ni golongangku. Songon i do na masa di tanoon.

     - = -         6 :    Asa ndang tutu di lehon Sipalua i las ni roha dohot dame tu bagasan dohot tu ateate ni jolma di portibion.

P. na Bontar 2 :    Ndang pola godang hatahononnami manangsihon i tu hamu, angka naung tinopot ni Sipalua I ma hujou hami manghatindanghonsa tu hamu.

                            Maria, ho ma parjolo manjangkon Sipalua i, paboa ma !

                            (di alap parhata na bontar i ma ibana).       

Maria              :    Olo,,, huingot dope hatangku manang songon dia parro ni surusuruan i uju i tu ahu. Torang dope saringar ni hata na nidokNa i di sipareongku. (huhut marsinggang)

P. na Bontar 3 :    Tabi di ho naniasian, di dongani Tuhan i ma ho. Unang ho mabiar ale Maria, ai dapotan asi ni roha do ho di Debata. Gabegabean ma ho tubuan anak ma ho, Jesus ma bahenonmu goarNa. Balga ma Ibana muse goaron do Ibana Anak ni na tumimbul i. lehonon ni Tuhan Debata do tu Ibana habangsa ni si Daud amaNa i, rajaanNa dopomparan ni si Jakob salelenglelengna jala ndang marhaujungan harajaonNa i.

Maria              :    na poso ni Tuhan i do ahu sai saut ma tu ahu songon na nidokmi (hehe si Marai). Songon i ma na masa i. nian ndang boi huantusi ahu gabe ina ni Sipalua i. alai las do rohangku ala ndang di rajumi Debata pogoshu dohot metmethu. Nda tama ma pujion ni rohangku Debata ala ni i?

P. na bontar rap dohot si Maria marende No. 121 : 1.

P. na Birong 1 :    Nang pe marlas ni roha si maria ndatung na gabe sude jolma marlas ni roha.

P. na Birong 2 :    Hami pe hujou hami ma jolo angka jolma na so dohot marlas ni roha uju i.

   - = -           3 :    Oooo,,, hamu pangisi ni huta Betlehem, nda di tulak hamu do si Maria si Josep dohot posoposo i?

   - = -           4 :    (manogihon si maria dohot si Josep tu jolo = huhut didok). Nda angka on do parlapo, parjabu natinuktuhanmuna uju i? Adong do nasida manjangkon hamu di borngin i ?.

                            (Josep dohot Maria mamolus sian jolo ni P. na Birong).

Josep               ;    Olo,,, hutanda do, ho do sada, ho, ho, sude hamu, nda tu sude hamu do hupangido uju i parbornginan di hami na dua dohot di Kristus na tubu i?, ate Maria nda i do ? di ingot hamu be dope alusmuna i?

P. na Birong 1 :    Ah,,, tung manggunturi do ho, ! ndang perduli ahu di ho,,, lao ne‼!

    - = -          2 :    Ndang adong inganan dijabungku tu angka sipangidoido,,,,,gengsi dong,,,

    - = -          3 :    Ndang tarjalo ahu jolma na pogos songon ho i ,,,, hepeng do na ringkot di ahu.

    - = -          4 :    Tubu nimmu Sipalua sabornginon ? Uaa na asing ma nian dilului amana dohot inana, unang apala hamu,,, sai na dibaen do.

    - = -          5 :    Ndang langku di ahu dongeng taringot tu Anak ni Debata angka jolma na oto i ma paototo. Naeng mararisan dope ahu,,, markartu ido na pasonang rohangku.

    - = -          6 :    Asa dijabungku ma nimmu tubu Sipalua i? ( humusor ma P. na Birong jala mulak tu inganan na be )

Josep               :    Ooee hamu angka si jogal roha,, tung dasip situtu do tahe ditutup hamu angka pintu ni jabumuna i.

Maria              :    Ndang holan pintu ni jabumuna i di tutup hamu, alai tung dohot do pintu ni rohamuna. Ai tung so olo do hamu manjangkon sipalua i. ndang adong inganan ni Sipalua i dibagasan rohamuna,,, ai holan hagiot ni portibi on di pingkiri hamu.

                           

                            ( di boan P, na Bontar No, 6 i ma panggagatan i jala dipeakhon di tongatonga marsinggang ma si Maria dohot si Josep di jolo ni panggagatan i ). 

P. na Bontar 4 :    unang hamu marsak ragam do dalan ni Debata. Molo so adong jolma na olo mangungkap pintu ni jabuna, di panggagatan na dibara ni pinahan pe boi do tubu Spalua i tu portibi on. Nang pe songon i tong do boil as rohanta bahenonNa. 

                           

                            ( marhaliang ma sude P, na Bontar I di pudi ni panggagatan i laos marende no 59 : 2 )

P. na Bontar 5 :    Hehe ma ho ale angka parmahan. Hehe ma ha ale angka parroha sian Purba. Ungkap hamu ma pintu ni rohamuna, ai nunga dijou Debata hamu.

                            ( masuk parmahan jala so di lambung ni bangku parjolo ).

Parmahan  1   :    Tung asing do borngin sadarion sian angka borngin naung salpu. Di na ro Surusuruan mandapothon hami. Tung holom situtu do humaliang hami, pola adong biarnami be.

                            ( hape tompu situtu tiur humaliang mansaui tiur, tumiur sian sondang ni mata ni ari. Dung i tarbege ma sada soara ).

P. na Bontar 6 :    unang mabiar hamu, ai barita halalas ni roha godang do huboan tu hamuna, parsaulian ni sandok bangso i. ai naung tubu do di hamu sabornginon di huta ni si Daud Sipalua i ima Kristus Tuhan i. on ma partinandaan di hamu, posoposo do dapotonmuna na binorhos peak di panggagatan.

Parmahan   2  :    Dung i torop ma surusuruan parbanua ginjang. Marende do nasida tangkas do huantusi hami ende nasida i. di ingot hamu dope ?

P. na Bontar    :    Marende hansangapon di Debata …..

Parmahan   3  :    Ndang pola leleng hami masipandohan, pintor hatop ma hami laho. Huboan hami ma nagka siluanami borhat ma hami tu Betlehem. (dipajonok ma tu panggagatan i).

                            Tutu do songon na pinaboa ni surusuruan i tu hami, jumping hami do Posoposo i na peak di panggagatan.

Parmahan 1-3 :    Jumpang hami do Sipalua i. (marsinggang nasida di jolo ni panggagatan i).

P. na Bontar 4 :    hehe ma hamum parroha sain Purba dia ma sidohononmuna ?

                            ( parroha sian Purba ro tungkan jolo olot ni bangku I )

Parroha    1     ;    Huida do sada bintang. Manariur do sondang ni bintang i di langit i. Ndang dung adong sondang na songon i tiurna. Di sura rohanami mata ni ari na metmet nama i.

                        :    sai hulului hami di angka bukunami arian dohot borngin tontu do dapot disi alusna (lapatanna)

                        :    Bintang aha doi ulaning ?

Parroha   2      :    Jala on do didok disi, molo tubu Raja ni angka raja jala Tuhan ni angka tuan tarida do sada bintang na tiur situtu di parlangitan.

                        :    Bintang i do on, asa Tuhan i do na tubu tu tano on, ingkon idaonnami do Ibana.

Parroha   3      :    Taruhonnami ma siluanami tu Ibana, ima haminjon, sere dohot angka na angur, dung i sombaonnami ma Ibana.

Parroha  1 – 3 :    Olo sombaonnami ma Ibana,   (jumonok nasida tu jolo )

Parmahan + parroha   :           Nunga ro Sipalua i ro ma hamu rap ma hita marsomba tu Ibana.

Marende         :    No. 56 : 1

P. na Birong 1 :    So jolo,,, nang pe marsomba sude halakon tu Posoposo i, anggo angka raja na marhuaso di portibi on dohot angka na pistar, ndang dihalomohon nasida i. songon dia ma boi gok hatiuron portibion bahenon ni Sipalua i ianggo so diloas angka na gogo dohot na marhuaso di tano on ?

                        :    o,,, rajanami raja Herodes, diboto ho do namasa i ? Dung tubu Sipalua i ?

                            ( ditogihon P. na Birong no. 1 i ma si herode tu jolo )

Herodes          ;    Di na sadari ro do angka parhapistaran sian luat na dao,, disungkun nasida do.

Parroha  2       :    Naung huida hami do bintangna di tano habinsaran alani i ro do hami sumomba Ibana.

P. na Birong 2 ;    Iale herodes,,, Herodes, ianggo di hatutubum so adong bintang na asing  sian na somal tarida.

P.na Birong 3 ;    O,, Herodes, nunga olo marmara ho alani on.

P.na Birong 4 :    O,, Herodes, aut ahu ho partahanhonnongku do diringku

Herodes          :    Inghkon mate,,,, ingkon mate Raja na imbaru tubu i. ingkon paboaon no angka parhapistaran na sian Purba i hian do ingananna i tu ahu. Hape ndang ro nasida. Marisuang do sai hu paima laos so ro.

                            Hamu angka naposongku buat hamu ma podangmuna ! bunu,,bunu hamu ma Raja na imbaru i.

P.na Birong 1 :    Naeng di alo,,,,, si Herodes do debata. (dienet podangna)

   - = -          5  :    Nuaeng torop jolma manisia mangalo debata

   - = -          6  :    Naeng mangalo Sipalua i ?,,, gari si latus dibunu do ibana.

Marende         ;    No. 59 : 7   ( di tingki marende P. na Bontar + P. na Birong jumonok tu panggagatan i)

P. na Bontar 1 :    Boasa pola sungkunsungkun rohamuna taringot tu suraksurak ni angka musu dohot tu angka parroha na jahat i.

                            Nang pe disngkapi si Herodes dohot si Latus dohot roha ni na torop jolma asa mago nian Sipalua i. alai ndang tarbahen, ai disi do Ibana, jala dijouhon do.

                        :    Ro ma hamu tu Ahu hamu angka na loja jala na sorat asa hupasonang hamu

                            Ahu do panondang ni portibion, na so tupa mardalan din a holom na mangihuthon Ahu, di Ibana do tahe panondang hangoluan.

                            ( dungi laho ma nasida jongjong ½ serkel tu pidi ni panggagatan i.

P. na Bontar 2 :    Ida ma ndian do si Maria, si josep dohot angka parmahan nang angka parhapistaran na sian Purba. Manungkap do nasida marsomba tu jolo ni Sipalua i. Torop situtu dope angka na  so  dapot  idida matanta angka jolma na marsinggang songon nasida tu Sipalua i.   

P. na Birong 3 :    Olo da alai nunga mate Sipalua i. di hau panursilang do tos hosanna, beha ma i ?

P. na Bontar 5 :    Olo alai hehe do Ibana muse sian na mate,jala mangolu do ro di nuaeng. Mulak do Ibana muse tu tanoon, laho mangalap hita tu hasonangan na di banua ginjang i.

                            Angtong mariaia jala marolopolop ma hamu, rap ma hita marsomba tu Ibana

                            ( huhut di arahon P. na Birong i marsomba )

P.na Bontar1-6    :      Patuginjang ma tohangmuna hamu ale angka harbangan jala patuginjang ma

                                    hamu ale angka pintu sian na Robi asa bongot Raja ni hamuliaon i.

P.na Birong1-6    :      Ise ulaning Ibana Raja ni hamuliaon i ?

P.na Bontar1-6    ;      Ima Jahowa na gogo jala ulubalang. Jahowa ulubalang di hamusuon.

                                    Patuginjang ma tohangmuna hamu ale angka harnagan jala patuginjang ma hamu

                                    ale angka pintu sian na robi asa bongot Raja ni hamuliaon i 

P.na Birong1-6    ;      Ise ulaning Ibana Raja ni hamuliaon i ?

Sude                    :      Ima Jahowa Zebaot, Ibana do Raja ni hamuliaon isela.

                                    ( rap marsinggang ma sude ).

Marende no. 55 : 1 – 3

S E L E S A I