Si Rut na burju marsimatua

                                                                                                                                                                             Karya : NN

BABAK  I

Protokol      :  Uju manggomgomi angka panguhum di tano Betlehem Juda, masa ma haleon potir di luat i,

                        jadi bungkas ma  sada  keluarga  sian  Betlehem  Juda,  ima  Si Elimelek dohot Oroanna Si Naomi rap  dohot dua dakdanak nasida na margoar Si Malon dohot  Si Kiljon tu luat Moab laho maisolat di luat i.

Elimelek    :   Dagoi.......... porsuk nai dimasa ni haleon potir on, tung so tartaon be molo sai tinggal ditano Juda on dope hami, ai tung so adong be,.....  O.......inang...........

Naomi        :   Apalah aha ma amang na naeng dohononmu ?

Elimelek    :   Boti ma inang na naeng dohononku ...... ia borhat ma hita sian luat on, diboto ho tangkas       masa ni haleon di luat Juda on. Alani i, tumagon nama huhilala maisolat ma jolo hita tu luat Moab an, paima salpu masa ni haleon diluat on.

Naomi        :   Imada amang, ai au pe nunga tung susah huhilala molo sai tongtong dope songon on haleon. Jadi nunga na denggan na nidokmi amang.

Elimelek    :   Antong jou ma gellengta i asa dipapungu siboanonta.

Naomi        :   Nauli amang.........

                        Malon.......Malon......ro ma jolo hamu tuson dohot anggim si Kiljon, asa papungu hamu jolo siboanonta.

Malon        :   Boha didok ho Uma?,, ai tu dia huroha hita ?,,,

Naomi        :   Songonon do amang,...... diboto hamuna do tangkas ni haleon di luat on, alani i tumagon ma jolo hita maisolat tu luat na asing paima salpu haleon di luat on, songon pandohan ni amang mi.

Malon        :   Antong molo songon i do,....nauli mai na nidok mi inang.......beta ma anggia ta papungu siboanonta ......asa borhat hita.......

Kiljon         :   Nauli hahang.........beta ma tutu.........

BABAK  II  Dung sahat ditano Moab

Elimelek    :   Nunga manang na piga piga taon hita diluat Moab on maisolat, bereng ma inang pardagingonku nunga lam so tahan be huhilala, alani i jou ma jolo ianakhontai tu son satongkin, adong nanaeng sidohononku tu nasida.

Naomi        :   Nauli amang hu jou pe ianakhonta i.

                        O...... Malon .....Malon....... ai ndang disi hamuna na dua ?

Malon        :   Apala aha oma.....

Naomi        :   Jou ma jolo anggimi...... naeng adong sidohonon ni amang muna tu hamuna na dua.

Malon        :   Olo oma..... hu jou pe anggingki.

                        Anggia tu son ma jolo ho di jou bapa naeng adong dohononna.

Malon-Kil :   Nunga dison be hami nadua bapa ahama nanaeng dohononmu tu hami dokma bapa.

Elimelek    :   Songon on do poang dihamuna na dua anakku.......burju burju ma hamu tu oma, ia ahu na laho salpu nama sian hasianganon, sotung di tadingkon hamu uma muna sasadasa, ate poang Kiljon!....

Kiljon         :   Olo bapa pos ma roham ndang tadingkonon nami sasada ni oma.

Malon        :   Daong bapa,......... unang tinggalhon hami ........daong bapa,.........tudia ma hami molo songon i do dohononmu........

Elimelek    :   Ndang ha-ambatan hita sangkap ni Debatanta, tung lomoni rohaNa ma nasaut. Nang ho inang pature ture ma anakta na dua i, ho nama na pangolihon anakta i. Alana on nama tingki tu ahu di bahen Debatanta.

Naomi        :   Daong amang tung paloasonmu ma hape holan ahu manarihon nadua i amang ........dagoi hancit na i pambahenanmon amang.....

Elimelek    :   MATE-----(Naomi – Malon – Kiljon tangis mnagangguhi.........) (tutup layar)

BABAK  III      Si Malon dohot  Si Kiljon marhasohotan

Naomi        ;   Songon on ma dihamuna nadua anakku...........

                        Nunga ditinggalhon bapamuna be hita........alani i pangidoanku tu hamu na dua marhasohotan ma hamu amang.

Malon        :   Imada oma......alai hupingkiri nuaeng hita ditanopaisolatan, ba boru ni ise ma topoton so holan boru Moab on.

Naomi        :   Boru ni dia pe taho i amang ndang mardiaimbar i anggo di ahu, manang boru Moab pe taho. Sarupa mai di ahu.

Kiljon         :   Nauli ma nanidok mi oma..............pangoloi do hami di ho.

Malon        :   Molo songon i do uma uli di ho ulian nang di hami, songon nanidok anggingkon do........pangoloi do hami di ho uma.      On pe laho ma hami magaririt boru ni halak Moab an .......beta ma anggia.....

Naomi        :   Borhat ma tutu hamu amang, sai napatongononni Debatanta do tu hamuna na dua na patut dongan saripe muna.   

BABAK  IV     Si Malon dohot Si Kiljon mamboan boru Moab

Naomi        :   Boha do nuaeng anakki adong do boru Moab i nuaeng na olo tu nasida na dua, ai marasing do debata ni halak Moab on tu Debata ni halak Juda. Songon dia ma nuaeng.......

Malon        :   Horas ma oma....... jalang ma parumaenmon nunga ndion be......... 

Naomi        :   Mauliate ma inang.............horas ma tutu.

Malon        :   Ia goar ni parumaenmon ima Si Orpa.

Naomi        :   Ai ndang rap hamu dohot anggim ?

Malon        :   Ndang uma. Ai nasian jabuon hami rap alai gabe masiboan dalan na be do hami.

Kiljon         :   Horas ma oma........horas ma angkang, ai on do ankang boru i ?

Malon        :   Ido anggia jalang ma amgkang borum !

Kiljon         :   horas ma tutu angkang

                        Jalang ma oma parumaenmu.

Rut             :   Horas ma inang,   horas ma amang,....horas ma nang di ho angkang.

Kiljon         :   Ia goar ni parumaenmon Si Rut do goarna.

Naomi        :   Nauli ma angka goar ni parumaenku, toho ma angka na nidok muna i. On pe dihamuna na dua parumaenku sabar ma hamuna rap manaon hita di na hancit on, alan ianggo simatuamuna doli nunga jumolo monding. Alani i hamuna nama napatut ama dohot ina di jabunta on, sotung pola be segan segan rohamuna di bagasta on. Jala ianggo hita di tano Moab on namaisolat do hita, di Betlehem Juda do ianggo bona ni pinasanta. Ai sian i do hami tu son.

Rut             :   Olo inang nunga dipabotohon anak muna tu hami andorang so ro  dope hami tu son.

PROTOKOL (tutup layar).......Dung adong sampulu taon nasida tinggal di Moab, mate ma si Malon dohot Si Kiljon ima anak ni Si Naomi nadua i.

BABAK    V    Habaluon ni Si Orpa dohot Si Rut

                                                                                                                                                (Si Naomi, Si Rut dohot Si Orpa tumatangis masuk pentas)

Naomi        :   Songonon do di hamuna na dua parumaenku, nuaeng ndang na tarhatahon be pambahenan ni Debata tu hita, nunga rap mabalu nuaeng hita natolu,.........dagoi.............tahe hancit nai tung so tarhatahon do inang dihamuna nadua parumaenku..........on ma tahe na hudok tu hamuna “mulak ma hamuna angka dainang tu inamuna be .............sai marasi roha ma Jahowa dompak hamu, mamaloshon haburjuonmuna nasa na saleleng on tu ahu dohot tu angka namate i. Sai dibasa basahon Jahowa ma tu hamuna asa jumpangan hasonangan hamu ganup di jabu ni na sinonduk muna be.

Rut             :   Daong inang ingkon sai rap do hita di hahanciton on.

Orpa           :   Toho do inang na nidok ni anggiku si Rut on, ingkon rap do hita

Naomi        :   Mulak ma hamuna angka dainang ............

                        Ianggo ahu mulak ma tu Betlehem Juda, ai hubege nunga mombun rimas ni Debata Jahowa dompak Juda, nunga salpu haleon potir disi........(lao huhut di boan angka pangkeanna)...............

                        Boasa naeng mardalan hamu dohot ahu ?      Sotagamon be tubuan anak ahu, tung sura adong boi tubuan anak ahu, tung tarpaima hamuna paima magodang ?      ...On pe mulak ma hamuna angka dainang.

Orpa           :   (Mangangguhi tumatangis)

                        Tinggal ma ho inang mulak ma ahu.....mulak ma ahu inang?

Naomi        :   Mulak ma ho dainang. (huhut sai tumatangis).

Orpa           :   On ma hape tingki na hita marsirang, horas ma ho inang horas ma nang ahu (marende on ma hape tingkina ingkon sirang..........huhut laho marsirang).

                        (Naomi dohot Si Rut rap mardalan nasida torus)

Naomi        :   Ida ma inang nunga mulak ia haham Si Orpa tu bangsona dohot tu debatana, mulak ma dohot dainang mangihuthon hahami.

Rut             :   (Huhut sai tumatangis)

                        Unang sia sosoi ahu tumadinghon ho inang, tung so sirang ahu sian ho inang (huhut marende Tu dia ho tu si do au naeng laho)    Ia tusi ho laho tusi do ahu laho, ia tusi ho maringanan tusi do ahu maringanan, bangsom nama bangsongku, Debatam nama Debatangku. Tung so sirang ahu sian ho ia so sinirang ni hamatean. Holan hamatean nama na boi manirang ahu sian ho inang.

Naomi        :   Molo songoni do roham parumaenku, beta ma tanunuti ma mardalan.

Rut             :   Beta ma inang.

BABAK  VI

PROTOKOL Dung mulak Si Naomi dohot Si Rut tu huta Betlehem Juda tongon tingki i masa gotilon di huta Betlehem, jala jumpang nasida ma angka panggotil naeng laho tu balian manggotil eme.

                        (Halak Betlehem Juda naeng borhat mamboan alat alat tu gotilon,...pajumpang dohot Si Naomi dohot Si Rut)

Naomi        :   On ma huta ni Si Elimelek hutanta Betlehem Juda.

Rut             :   Masa gotilon do huroha dison ate inang ?

Naomi        :   Toho do na nidok mi ai tingki songon on ma dison masa ni gotilon.

Halak Juda :   Bah.........nunga ro si Naomi sian tano parserahan  (masipandohan ma nasida )....Horas ma Naomi.........horas ma tutu.

Naomi        :   Unang be goari hamu ahu Si Naomi, tagonan goari hamu ma ahu Sipaet, ai paet situtu do pambahenan ni nasun Hinagogo tu ahu. Mararta godang laho ahu najolo sian hutanta on, alai nuaeng marsangkot bulung ahu.   (uhut dok rohana).

Halak Juda :   Ai boha huroha sitaonon mi.

Naomi        :   Ai nunga mate be Si Elimelek dohot anakku na dua i so jolo martinading, mulak ma tu bangsona ianggo parumaenku siahaan i, ima Sim Orpa alai parumaenku sian si kiljon ima Si Rut boru Moab sai diihut ihut do ahu, on ma ibana........

Halak Juda :   Amang tahe .........tole ma poang sabar ma ho di pambahenan ni Jahowa na tu ho on ................bah horas ma poang Rut................jadi laho ma jolo hami ate ?,,,,,,, ai masa manggotil nuaeng di luatta on (uhut laho ma nasida be)

BABAK   VII              Si Naomi dohot Si Rut dung sahat di Betlehem

Rut             :   Ai loas ma ahu inang laho manjomputi paihiut ihut angka panggotil tu ladang an  

Naomi        :   Antong laho ma dainang

Rut             :   (Laho manjomputi eme, manggotil naposo ni Si Boas)

                        Ua loas hamu ma ahu manjomputi biur na diholang holang ni tebalan muna an

Naposo ni

Si boas       :   Bah....boi do i, jomputi ma na marpisikan sian tebalan i  (huhut di jomputi)

Boas           :   Boru ni ise do on, na marbaju on ?    

Naposo       :   Ima boru Moab na mulak dohot Si Naomi sian tano Moab. Ro nangkin hatana songonon “ua paloas hamuna ahu paihut ihut hamu membuat biur sian holang holang ni tebalan muna an” dungi hu dok hami,......... ba,.........buat ma.

Boas           :   Tangihon ma hatangku ale ito, unang pola lao ho manjomputi tu ladang ni na asing, jala unang laho ho sian on, dison ma ho manjomputi.

Rut             :   Nauli ma i amang. Dia do dalanna umbahen marasi ni roha ho tu ahu, pola disarihon ho ahu halak dagang nian.

Boas           :   Nunga sar baritam sian halak tu ahu, sude parulaonmu na denggan i na binahen mu tu simatuam boru dung mate sinondukmu.

Rut             :   Sai dapotan asi ni roha ma ahu diadopan mu ale tuanku, ai nunga diapuli ho ahu, jala didok ho hata sipir ni tondi tu ahu.

Boas           :   Molo jumpang tingkina mangan ro ma ho rap dohot naposo boru borungki ima angka panggotil i

Rut             :   Nauli tuan, sai na oloanku do hatam      (Si Rut mulak mamboan eme saampang).

(tutup layar0

Naomi        :   Songon na leleng parumaenkon nuaeng mulak boha do nuaeng, di dia do ibana manjomputi. Bah ........................nunga roho inang !

Rut :           :   Nunga inang.

Naomi        :   Di dia ho manjomputi sadarion songon na godang ementa on inang.

Rut             :   Si Boas do ninna goar ni napuna ladang i, disi do ahu manjomputi sadarion.

Naomi        :   Pasu pasu on ni Jahowa ma ibana, ala so dialang asi ni rohana tu halak na mangolu dohot naung mate, bawa i do na sumolhot tu hita, ibana tama sitean hita.

Rut             :   Didok do muse tu ahu inang, ingkon angka naposona boru boru hombar hombarongku paima sae gotilon.

Naomi        :   Denggan do i inang asa unang dihahua manang ise ho, ai na manjaga ho do i.

                        On pe beta ma inang pauli ma ementa najinomputan mi.

BABAK VIII   Hasosohot ni Si Rut tu Si Boas.

Naomi        :   O.... inang parumaen.  Songon on ma nahudok tu ho, tung so paloasonku do ho so marhasohotan, nda Si Boas na sumolhot tu hita ? alani i marsalin ma ho asa laho ho muse mandapothon panggotil ni Si Boas.

Rut             :   Nauli ma i na nidok mi inang, Jadi laho ma ahu ate inang (laho mangganti pangkean)

Naomi        :   Olo inang sai patuduhonon ni Jahowa do tuho nasinangkapanmu.  

Rut             :   Laho ma ahu inang.....

(Tutup layar)Si Boas rap dohot naposo boru boru dipardegean.

Boas           :   Bah...na ro do ito?,.aha dipangido roham sai nalehononku do tu ho. Hamu naposongku .........bahen hamu jolo naonom jual boanon ni Si Rut tu simatuana.

Naposo       :   Nion ma tuan...

Boas           :   Tole boan ma inang tu simatuam, tung so paloasonku rumar ho tu simatuam.

Si Boas manghabia Si Rut

Boas           :   Pagodangonku ma Si Rut boru Moab i, jolma ni Si Kiljon  nahinan asa marindang na mate na mangihut ihut pangolatanna, asa unang siap goar ni na mate sian tonga tonga ni angka donganna dohot sian bahal ni hatana i.

Situan na torop      :   Hami ma tutu sitindangina, sai di bahen Jahowa ma tutu parompuan on gabe haroroan pinompar ni Israel. Sai marhuaso ma ianggo ho di Eprata, jala marbarita goarmu di Betlehem (rap mardalan ma Si Boas dohot Si Rut)

Prorlog       :           Tarbarita ma goar  ni  Israel  marhite sian Si Boas dohot Si Rut, ditubuhon ma Si Obed ima

                               ama ni Si Isai ama ni Si Daud sian i ma muse sahat tu hatutubu ni Jesus Si Palua hajolmaon.

T A M A T